يؤهل

cropped-yu2ahel-logo.png
  • ابنى بيبكى من اتفه الأسباب .
  • ابنى بيدخل فنوبة بكاء بمجرد ما ارفضله طلب .
  • ابنى حساس جدا ومش بيتحمل النقد .

ازاى اقدر اتعامل معاه من غير ما اسببله اذى نفسى؟

منصة يؤهل بتقدملك بعض النصايح البسيطه فالمواقف المختلفة:

1- إذا كان بيعيط عشان رفضتى طلب له، اعرفى ان ده مجرد ابتزاز لكى عشان تنفذى طلبه …مهما عيط متنفذيش الطلب ده، ومهما كان الموقف محرج تحلى بالصبر ؛ عشان ميتعلمش ان العياط وسيلة للحصول على طلباته .

2- لو البكاء تعبير عن الخوف أو القلق احضنيه وطمنيه انك معاه و حتفهمى مشكلته وتحليها كمان واطلبى منه يهدى ويحكيلك لما يكون محتاج ده .

3- اسأليه عن سبب البكاء واسمعيه باهتمام ، وابدأى ناقشيه فى اسلوب بديل أفضل من العياط وان ازاى ممكن العياط يضعفه و ال حواليه مش هيقدرو يفهموه ولا يقدملوه المساعده .

4- لما ترفضي طلب لسبب معين ، عرفيه السبب وحطيله بدايل يختار منها تكون مناسبه له ولسنه
عشان تعلميه يفكر بايجابية .

5- علميه ازاى يطلب بأحترام ويتقبل الرفض أو التأجيل ومقدرة الآخرين المادية بالاتفاقات المسبقه بينكم .

6- يؤهل بتفكرك بأهمية أنك تحافظى على علاقتك بابنك بالاحتواء والارشاد الايجابى عشان يطلع انسان سوى .

وإذا احتد الأمر متتردديش باستشارة مختص…

One Response

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *